GJEJ

14 MARS DITA NDËRKOMBËTARE E GJUMIT

Përshkrimi

14 MARS DITA NDËRKOMBËTARE E GJUMIT
FLINI KUR KENI GJUMË
Çështja e parë nga e cila duhet të lirohemi kur bëhet fjalë për gjumin është t’i largojmë kufizimet në mendjet tona se kaq orë duhet të flemë apo se në këtë orë duhet shkuar në shtrat dhe në këtë orë duhet zgjuar. Për këtë arsye nuk duhet krijuar trysni psikologjike të panevojshme.
Ekzistojnë disa ndryshime fiziologjike që përcaktojnë sasinë e gjumit që duhet bërë varësisht nga mosha.
Duke filluar që nga lindja e deri te mosha e pjekurisë (rreth 20-25 vjeç), sasia e gjumit të duhur shkon duke u pakësuar.
Derisa fëmijët e moshës 6-12 vjeç kanë nevojë për rreth 10 -11 orë gjumë në ditë, ekspertët thonë se pas moshës 25 vjeçare, njerëzve u duhet 8-9 orë në gjumë për funksione normale fiziologjike.
Mirëpo, në kohën aktuale në të cilën jetojmë, vështirë duket e arritshme kohëzgjatja e gjumit prej 8 apo 9 orësh. Nga ana tjetër, duhet pasur parasysh që kjo paraqet një mesatare dhe nuk do të thotë që personi i cili fle mesatarisht 6 orë duhet gjykuar dhe medoemos duhet shtuar sasinë e gjumit.
Duhet të bazohemi në mirëqenien fizike dhe psikike të personit gjatë ditës për të konkluduar nëse gjumi duhet të zgjatet.
Edhe pse është fakt i pamohueshëm që duhet zgjuar me agimin e ditës (ngase këtë e diktojnë edhe ndryshimet fiziologjike trupore), prapseprapë porosia është: “Flini kur keni gjumë”!
Punoi: Dr Blerim Myftiu - Neurolog
Rr.”Shkupi” Nr.25, pranë QKUK-së, Prishtinë.
Për më shumë informacion, kontaktoni në inbox ose në numrat e telefonit: 038 221 661 | 038 60 70 60 | 049 513 513 | 046 60 70 60.
Spitali Amerikan, përqafoje jetën!
#spitaliamerikan #perqafojejeten