Tendiniti ose ndryshe "Tendonitis" është një inflamacion i tendinave të cilat bëjnë lidhjen mes sistemit kockor dhe muskujve. Nëse vendosni shumë peshë mbi nyje ose ngrini diçka papritmas, mund të shkaktojnë "lot të vegjël" të cilat çojnë në enjtje, dhimbje dhe si rrjedhojë e bëjnë të vështirë lëvizjen. Simptomat: • Dhimbje rreth nyjeve, dobësi, fryrje, skuqje dhe mund të ndihen të ngrohtë në prekje. • Në rastin e tendinitit të shpatullës: kërcitje në shpatull dhe/ose dhimbje në harkun e shpatullës kur krahu ngrihet në lartësinë e shpatullës. • Dhimbje kur shtriheni duke u mbështetur në shpatullën e lënduar ose kur ngrini pesha me krahun e mbajtur drejt. Nëse tendiniti i shpatullës përparon, dhimbja në shpatull mund të ndihet edhe kur qëndroni pa lëvizur. • Simptoma të tjera varen nga vendi ku ndodhet tendina e përflakur. Shkaqet: • Lëvizje të përsëritura në aktivitete si zdrukthtaria, kopshtaria dhe sportet si tenisi, golfi, skijimi dhe bejsbolli, janë faktorë të zakonshëm. • Por gjithashtu mund të ndodhë shpesh edhe nga një tendosje e papritur, ose nëse bëni diçka të re, veçanërisht mbi kokën tuaj, si pikturimi i tavanit. • Tendiniti afatgjatë gjithashtu mund të jetë shkak i moshës ose sëmundjeve të tilla si artriti i cili dëmton tendinat dhe indet e tjera. Diagnostikimi: • Tregojini mjekut për historinë tuaj mjekësore dhe dëmtimet e nyjeve/kyçeve, duke përfshirë këtu dhe ndryshimet në punën tuaj ose në rutinën e ushtrimeve, të cilat mund të jenë një shkak. • Mjeku do të kryejë një ekzaminim fizik të vendeve ku është përqëndruar dhimbja. • Kjo zakonisht është e mjaftueshme për të ditur nëse është tendiniti, por në disa raste ju mund të keni nevojë për teste gjaku ose teste imazherie si rrezet X ose MRI, skaner ose ultrasound. Trajtimi i hershëm Sa më shpejt të filloni, aq më mirë do të funksionojë. Kur trajtohet herët tendiniti zakonisht zhduket lehtësisht por për disa njerëz mund të bëhet kronike ose një problem i zgjatur në kohë. Nëse veprimet e përsëritura kanë çuar në tendinit atëherë këto sjellje duhet të reduktohen në mënyrë që risku të zvogëlohet. Për më shumë informacion, kontaktoni në inbox ose në numrat e telefonit 038 221 661 ose 049 513 513. Spitali Amerikan, Përqafoje Jetën!