Përshkrim i testit Gjatë hemostazës, trombina stimulon formimin e fibrinës nga fibrinogjeni. Kjo fibrinë me shtimin e faktorëve stabilizues, formon një mpiksje (ngjizje) nga rrjeta e fibrinës në vendin e lëndimit. Kur mpiksja nga fibrina nuk është më e nevojshme, ajo largohet nga agjentë fibrinolitikë si plazmina, duke dhënë në fund produkte të degradimit të fibrinës. D-dimer është një nga nënproduktet e matshme të sistemit fibrinolitik. Matja e D-dimerit vlerëson aktivizimin fibrinolitik dhe trombozat intravaskulare. Është shumë e dobishme për të ndihmuar në përjashtimin e sëmundjeve akute tromboembolike venoze, të tilla si tromboza e venave të thella (DVT) ose embolinë pulmonare, si shkak i mundshëm i simptomave të pacientit. Gjithashtu matet, së bashku me teste të tjera, për të diagnostikuar koagulimin intravaskular të shpërndarë (DIC). Hulumtimet e fundit po shikojnë mundësinë e përdorimit të D-dimer si udhëzues për kohëzgjatjes e terapisë antikoaguluese. Vlerat normale Normale: ≤ 500 ng/mL Rritet te: Tromboza arteriale ● Koagulimi intravaskular i shpërndarë (DIC) ● Eklampsia ● Fibrinoliza ● Sëmundjet e zemrës ● Infeksionet ● Në fund të shtatzënisë ● Sëmundje të mëlçisë ● Sëmundjet malinje ● Periudha postoperative ● Embolia pulmonare Traumat ● Tromboza venoze Faktorët që kontribuojnë në vlerat jonormale Barnat që rrisin rezultatet Ddimer-in: barnat trombolitikë. Rezultate false-pozitive mund të ndodhin në prani të titrit të lartë të faktorit reumatoid (RF) Si të testohemi? • Para testit: nuk kërkohet evitim të ushqimit para testit. • Gjatë testit: merret 3 ml mostër gjaku • Pas testi: ushtroni presion 3 deri në 5 minuta në vendin e shpimit të venës. Ky test me teknologji moderne dhe staf profesional e me përvojë kryhet në laboratorin Prolab.