Ftohje Tre simptomet më të shpeshta të ftohjes janë: hunda e zënë, teshtima dhe rrjedhja e hundës. Shpesh ndodh që fyti të irritohet por tek ftohja ai nuk është i skuqur. Të rriturit dhe fëmijët më të rritur kanë temperaturë shumë të ulët apo nuk kanë fare. Fëmijët e vegjël dhe foshnjat kanë temperaturë nga 37.5 gjer në 38.5 shkallë. Varësisht se për cilin virus bëhet fjalë, mund të vie gjer tek kollitja, kokëdhembja, paraqitja e sekretit të hundës, dhembja e muskujve apo zvogëlimi i apetitit. Për dy-tre ditë sekreti i hundës bëhet më i trashë, merr ngjyrë të verdhë apo të gjelbërt – kjo është shumë normale për ftohjen dhe nuk ka nevojë për antibiotikë. Grip Gripi lajmërohet papritmas dhe përcjellet me temperaturë nga 38.5 gjer në 41 gradë. Poashtu paraqitet skuqja në fytyrë, iu dhemb tërë trupi dhe humb energjia. Disa njerëz kanë simptome sistematike siç është marramendja dhe të vjellat. Diku në mes të ditës së 2 dhe 4 të sëmundjes, simptomet “e tërë trupit” fillojnë të largohen, ndërsa problemet me sistemin e frymëmarrjes rriten. Virusi mund të ndodhet në cilëndo pjesë të traktit të frymëmarrjes duke shkaktuar simptome të ftohjes, të ngjirurit e zërit, bronkitit, pezmatimi i veshit dhe ndezja mushkërive. Për të gjitha informacionet në lidhje me mënyrën e testimit dhe planifikimit, mos hezitoni të na kontaktoni në : +383 (0) 45 550 391